|
Ho latela khato e nkiloeng ke ‘Muso le Banka e kholo
mabapi le MKM, sechaba se nang le beng ka bona
li-‘moshareng tsa MKM se kopua ho ela hloko lintlha tse
latelang:
1.
‘Muso le Banka e kholo li ikemiselitse ho etsa
bonnete ba hore bafu bohle bao eleng litho tsa MKM ba
fumane poloko e hlomphehang joalekaha e le tsoanelo.
2.
Sechaba se hlokomelisoa hore ho ea ka taelo ea
lekhotla (Court Order) MKM ha e ea thibeloa ho tsoela
pele ka lits’ebeletso tsa mapato a bafu, ‘me
lits’enyehelo tse joalo litla buseletsoa MKM ke ‘Muso.
3.
Nakong ena eo Banka e ntseng e ntsetsa pele taelo ea
lekhotla, ‘Muso le Banka li entse boipiletso
li-‘moshareng tse ling ho fana ka ts’ehetso, ‘me
mothating ona Lesotho Funeral Services le Bafokeng
Funeral Services li se li amohetse kopo eo.
Hang ha
litokiso li phethetsoe, sechaba se tla tsebisoa mabitso
a li-‘moshara tse ling tse tla thusetsa ts’ebetsong ena.
Ka hona, beng ka bafu ba kopuoa ho itlhahisa Lesotho
Funeral Services le Bafokeng Funeral Services moo teng
ba tla fumantšoa thuso.
4.
Sechaba
se amehang se kopuoa ho itlhahisa ka litokomane tse
tloaelehileng, tse akhang:
·
Bukana ea boitsebiso ba setho sa lelapa le ea mofu
·
Lengolo
le pakahatsang lefu (Death Certificate)
·
Litokomane tsa botho tsa MKM Burial Scheme
·
Lirasiti tse pakahatsang tefo ea likhoeli tse tšeletseng
tsa ho qetela; le
·
Tokomane e pakahatsang hore mofu o polokelong ea bafu
5.
Ho
latela litlhopo tse entsoeng le Lesotho Funeral Services
le Bafokeng Funeral Services, le tse tla etsoa le
li-‘moshara tse ling, beng ka bafu batla fumantšoa
tsebeletso ea lepato ho latela kamoo mofu a neng a
loketse ho bolokoa ka teng ke MKM.
6.
Sechaba se hlokomelisoa hore leha hole joalo, ha
ho chelete e tla fanoa ke Banka ho beng ka bafu. Lintlha
tse ling tsohle tse amanang le ts’ebetso ea MKM le
sechaba litla hlahlojoa nakong ea liphuputso.
7.
Bafu ba es’o fetele li-‘moshareng tsa MKM, le
bona ba tla sebeletsoa Lesotho Funeral Services le
Bafokeng Funeral Services, ho fihlela Banka e phethetse
litokiso le li-‘moshara tse ling tse tla kenya letsoho
ts’ebetsong ena. Sechaba se tla nne se tsebisoe nako le
nako ha liphetoho li le teng. Sechaba se kopuoa ho lula
se mametse liea-le-moea ke hona.
Public
Relations Division - 29 Pulungoana 2007 |
