Banka e Kholo ea Lesotho e etsa tsebiso ho batho bohle ba neng ba tsetetse lichelete tsa bona ho Millennium Goal Society hore Lekhotla le Phahameng la Lesotho le entse qeto ea mapomelo malebana le k’hamphani eo. Ho latela qeto eo, ho tla aroleloa batseteli bonyane bo fumanehileng ka mokotleng oa k’hamphani eo (what remains of their investments with Millenium Goal Society). T’sebetso ena e tla etsoa ho tloha ka la-9 T’sitoe 2009 ho fihlela la18 T’sitoe 2009, mane Setsing sa Liboka sa ‘Manthabiseng (National Convention Centre). Nako ea t’sebetso e tlaba ho tloha ka hora ea borobeli hoseng (8.00am) ho isa ka hora ea bohlano mantsiboea (5.00pm), matsatsing a Mantaha ho isa Labohlano. 

Ele hore mosebetsi ona o phethahale ka potlako le ka makhethe, bohle ba elelloe lintlha tsena:

1. Batho bohle ba amehang, ba lebelletsoe ho tla le litokomane tse feletseng tsa boitsebiso ba bona, tse pakang hore ba tsetetse ho Millennium, le bopaki ka li-receipt ho pakahatsa hore esale ba ts’ela chelete ea bona moo.  Ba lebelletsoe hape ho tla le boitsebiso ba bona bo phethahetseng. Phasepoto ke mohlala oa boitsebiso bo joalo.  
2. Batho bao litokomane tsa bona li ileng tsa hlahlojoa ke PricewaterhouseCoopers selemong se fetileng sa 2008 likhoeling tsa bo-Phupjane le Phupu, mme e le batho ba ileng ba fana ka lintlha tse feletseng malebana le libukana kapa lipolokelo tsa bona tsa banka (bank accounts)  bona ba se it’soenye ho tla Setsing sa Liboka sa ‘Manthabiseng (National Convention Centre) kaha lipatala tsa bona li  tla  kenngoa ka kotloloho lipolokelong tseo tsa bona tse libankeng, pele ho la 9 Ts’itoe 2009.
3. Haele batho bao litokomane tsa bona li ileng tsa hlahlojoa ke PricewaterhouseCoopers selemong se fetileng sa 2008 likhoeling tsa bo-Phupjane le Phupu, feela e le batho ba se nang  libukana kapa lipolokelo tsa banka (bank accounts) bona ba tlamehile ho boela ba itlhahisa Setsing sa Liboka sa ‘Manthabiseng (National Convention Centre)  ho tla fumana lipampiri-chelete (cheques), ka matsatsi ao a behiloeng.
4. Batho ba sa kang ba itlhahisa ho PricewaterhouseCoopers selemong se fetileng le bona ba ntse ba buletsoe mamati hore ba itlhahise ka matsatsi ao a behiloeng, eleng ho tloha ka la-9 Ts’itoe 2009 ho fihlela la18 Ts’itoe 2009. Ba tle le litokomane tse seng li hlalositsoe.

TSEBISO KA BANKA E KHOLO EA LESOTHO

3 Tšitoe, 2009