Banka e Kholo ea Lesotho e tsebisa batho bohle ba neng ba tsetetse ho Millennium Goal Society, ‘me ba sa kang ba tla lata   lichelete tsa bona, ka khoeli ea Ts’itoe ngoahola, ha ho ne ho aroleloa batseteli bonyane bo fumanehileng mokotleng oa Company eo, hore ba tla fuoa monyetla oa ho tla lata lichelete tse joalo. Ts’ebetso ena e tla etsetsoa Setsing sa Liboka sa ‘Manthabiseng (National Convention Centre), ho tloha ka Mantaha oa la-22 Hlakola, ho fihlela Labohlano la la-26 Hlakola, 2010, lihoreng tsa 9.00 hoseng hofihlela 4.30 mantsiboea. 

Ele hore mosebetsi ona o phethahale ka potlako le ka makhethe, bohle ba elelloe lintlha tsena:

1. Batho bohle ba amehang, ba lebelletsoe ho tla le litokomane tse feletseng tsa boitsebiso ba bona ‘me tse pakang hore ba tsetetse ho Millennium, le bopaki ka lirasiti (receipts) ho pakahatsa hore esale ba kenya chelete ea bona moo.  Ba lebelletsoe hape ho tla le boitsebiso ba bona bo phethahetseng. Phasepoto ke mohlala oa boitsebiso bo joalo.  

2. Batho bohle ba amehang ba tla fuoa lipampiri-chelete (cheques) ka matsatsi ao a behiloeng ho sa khethoe hore na ba na le libukana kapa lipolokelo tsa banka (bank accounts) kapa ha ba na tsona.

3.  Batho ba neng ba ile ba fana ka lintlha   malebana le libukana kapa lipolokelo tsa bona tsa banka (bank accounts) ka 2008 feela bao lichelete tsa bona li sa kang tsa finyella libankeng tsa bona ka Tsitoe selemong se fetileng le bona ba tla fuoa lipampiri chelete (cheques).  Ka lebaka leo ba tlamehile ho itlhahisa Convention Centre ho tla fumana lipampiri chelete tseo tsa bona.

4. Batho ba sa kang ba itlhahisa ho PricewaterhouseCoopers selemong sa 2008 le bona ba itlhahise ka matsatsi ao a behiloeng.

 TSEBISO KA BANKA E KHOLO EA LESOTHO

17 Hlakola 2010