Banka e Kholo ea Lesotho e tsebisa batho bohle ba neng ba tsetetse ho Millennium Goal Society, ‘me ba sa kang ba tla lata lichelete tsa bona, ka khoeli ea Ts’itoe ngoahola, ha ho ne ho aroleloa batseteli bonyane bo fumanehileng mokotleng oa Company eo, hore ba tla fuoa monyetla oa ho tla lata lichelete tse joalo. Ts’ebetso ena e tla etsetsoa Setsing sa Liboka sa ‘Manthabiseng (National Convention Centre), ho tloha ka Mantaha oa la-29 Hlakubele, ho fihlela Labone la la-01 ’Mesa, 2010, lihoreng tsa 9.00 hoseng hofihlela 4.30 mantsiboea.  Molaetsa ona o ama feela batho ba sa kang ba itlhahisa ho PriceWaterHouseCoopers, Convention Centre, ka Ts’itoe ngoahola, esita le ka Hlakola, monongoaha.

Ele hore mosebetsi ona o phethahale ka potlako le ka makhethe, batho ba amehang ba lebelletsoe ho tla le litokomane tse feletseng tsa boitsebiso ba bona ‘me tse pakang hore ba tsetetse ho Millennium, le bopaki ka lirasiti (receipts) ho pakahatsa hore esale ba kenya chelete ea bona moo.  Ba lebelletsoe hape ho tla le boitsebiso ba bona bo phethahetseng. Phasepoto ke mohlala oa boitsebiso bo joalo.  Batho ba amehang ba tla fuoa lipampiri-chelete (cheques) ka matsatsi ao a behiloeng.

 TSEBISO KA BANKA E KHOLO EA LESOTHO